ಕಾರವಾರ: ಕೈಗಾ ಅಣು ವಿದ್ಯುತ್ ಸ್ಥಾವರದಲ್ಲಿ ಶನಿವಾರ ರಾತ್ರಿ ಸಂಭವಿಸಿದ ದುರಂತದಲ್ಲಿ ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆಯ (Central Industrial Security Force) ಹೆಡ್ ಕಾನ್ಸ್ಟೆಬಲ್ (Head constable) ಒಬ್ಬರು ಸಾವನ್ನಪ್ಪಿದ್ದಾರೆ.
ಅಣು ತ್ಯಾಜ್ಯ ವಿಲೇವಾರಿ ಘಟಕದ ಬಳಿ ಕಾವಲಿನಲ್ಲಿ ನಿಂತಿದ್ದ ವೇಳೆ ಭಾರವಾದ ಲೋಹದ ಗೇಟ್ (Gate)ಆಕಸ್ಮಿಕವಾಗಿ ಕುಸಿದು, ಕಾನ್ಸ್ಟೆಬಲ್ ಅವರ ಮೇಲೆ ಬಿದ್ದಿತು. ತಲೆಗೆ ತೀವ್ರ ಗಾಯವಾದ ಪರಿಣಾಮ ಅವರು ಅಸ್ವಸ್ಥರಾದರು.
ತಕ್ಷಣ ಸಹೋದ್ಯೋಗಿಗಳು ಗಾಯಾಳುವರನ್ನು ಸ್ಥಳೀಯ ಚಿಕಿತ್ಸೆ ಕೇಂದ್ರಕ್ಕೆ ಹಾಗೂ ನಂತರ ಕೈಗಾ ಕೆಜಿಎಸ್ ಆಸ್ಪತ್ರೆ (Kaiga KGS Hospital) ಗೆ ಕರೆದೊಯ್ದರೂ, ದಾರಿಯಲ್ಲಿ ಮೃತಪಟ್ಟಿದ್ದಾರೆ.
ಮೃತರನ್ನು ಮಹಾರಾಷ್ಟ್ರ (Maharashtra) ದ ಮಹಿಮಾನಗಡ್ನ ಶೇಖರ ಭೀಮರಾವ್ ಜಗದಾಲೆ (48) (Shekhar Bhimrao Jagdale) ಎಂದು ಗುರುತಿಸಲಾಗಿದ್ದು, ಅವರು ರಾತ್ರಿ ಪಾಳಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ.
ಈ ಘಟನೆ ಸಂಬಂಧ ಮಲ್ಲಾಪುರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ. ಅಣು ಸ್ಥಾವರದ ಒಳಭಾಗದಲ್ಲೇ ಇಂತಹ ಅಪಘಟನೆ ನಡೆದಿರುವುದರಿಂದ ಸುರಕ್ಷತಾ ಕ್ರಮಗಳ ಕುರಿತು ಪ್ರಶ್ನೆಗಳು ಎದ್ದಿವೆ.
