ಬೆಂಗಳೂರು: ಧರ್ಮಸ್ಥಳದ (Dharmasthala) ಆವರಣದಲ್ಲಿ ‘ತಲೆ ಬುರುಡೆ’ ಪತ್ತೆಯಾದ ವಿವಾದಾತ್ಮಕ ಪ್ರಕರಣದಲ್ಲಿ ಎಸ್ಐಟಿ (SIT) ವರದಿಯು ದೂರುದಾರರೇ ಈಗ ಆರೋಪಿಗಳು (Accused) ಎಂಬ ಮಹತ್ವದ ಅಂಶವನ್ನು ಬಹಿರಂಗಪಡಿಸಿದ್ದು, ಈ ಬೆಳವಣಿಗೆ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ (B.Y. Vijayendra) ಅವರಿಗೆ ದೊಡ್ಡ ರಾಜಕೀಯ ಮತ್ತು ಧಾರ್ಮಿಕ ಬಲ ತಂದುಕೊಟ್ಟಿದೆ.
ವಿಜಯೇಂದ್ರಗೆ ‘ಕ್ರೆಡಿಟ್’ :
ಈ ಪ್ರಕರಣದಲ್ಲಿ ಸರ್ಕಾರವು ‘ಬುರಡೆ ಗ್ಯಾಂಗ್’ (Burude Gang) ಎಂದು ಕರೆಯಲಾಗುತ್ತಿದ್ದ ಆರೋಪಿಗಳ ಮಾತನ್ನು ಕೇಳಿ ತನಿಖೆಯನ್ನು SITಗೆ ವಹಿಸಿದ್ದನ್ನು ಬಿ.ವೈ.ವಿ. ವಿರೋಧಿಸಿ, ಧರ್ಮಸ್ಥಳದ ಧರ್ಮ ರಕ್ಷಣೆಗಾಗಿ (Dharma Rakshana) ‘ಧರ್ಮಸ್ಥಳ ಚಲೋ’ ಎಂಬ ಬೃಹತ್ ಸಮಾವೇಶ ಮತ್ತು ಹೋರಾಟವನ್ನು ಯಶಸ್ವಿಯಾಗಿ ಆಯೋಜಿಸಿದ್ದರು. ಅಂದು ಅನುಮಾನದಿಂದ ಹೆಜ್ಜೆ ಹಾಕಿದ್ದ ಬಿಜೆಪಿಯ ರೆಬೆಲ್ ನಾಯಕರು (Rebel Leaders) ಈಗ ವಿಜಯೇಂದ್ರ ಅವರ ಹೋರಾಟವನ್ನು ಮೆಚ್ಚುವಂತಾಗಿದೆ.
ಮುಡಾ ಪಾದಯಾತ್ರೆ (MUDA Padayatra) ಮತ್ತು ಕಬ್ಬು ಬೆಳೆಗಾರರ ಹೋರಾಟಗಳ ಬಳಿಕ ಇದೀಗ ಧರ್ಮಸ್ಥಳ ಚಲೋ ಸಹ ಯಶಸ್ವಿಯಾಗಿದ್ದು, ವಿಜಯೇಂದ್ರ ಅವರು ಹಿಂದುತ್ವದ ಅಸ್ತ್ರವನ್ನು ಯಶಸ್ವಿಯಾಗಿ ಬಳಸಿಕೊಂಡಿದ್ದಾರೆ. ಈ ಮೂಲಕ ಪಕ್ಷದೊಳಗೆ ಅವರ ನಾಯಕತ್ವಕ್ಕೆ ಮತ್ತಷ್ಟು ಧಾರ್ಮಿಕ ನಂಬಿಕೆಯ ಬಲ ಸಿಕ್ಕಿದೆ.
SIT ವರದಿ ವಿಜಯೇಂದ್ರ ಅವರ ನಿಲುವನ್ನು ಸಮರ್ಥಿಸಿದೆ. ಇದು ಬಿಜೆಪಿಯೊಳಗೆ ಅವರ ಸ್ಥಾನಮಾನವನ್ನು ಮತ್ತಷ್ಟು ಬಲಪಡಿಸಲು ಸಹಾಯಕವಾಗಿದ್ದು, ರೈತ ಹೋರಾಟಗಳ ಬೆನ್ನಲ್ಲೇ ಹಿಂದುತ್ವದ ಅಸ್ತ್ರವೂ ಯಶಸ್ವಿಯಾದಂತಾಗಿದೆ ಎಂದು ಹೇಳಬಹುದು.
