ಕೊಪ್ಪಳ: ರಿಯಾಲಿಟಿ ಶೋ ಬಿಗ್ ಬಾಸ್ (Bigg-Boss) ಕ್ರೇಜ್ ಈಗ ದೇವಸ್ಥಾನದ ಅಂಗಳಕ್ಕೂ ತಲುಪಿದೆ. ಬಹುಮುಖ ಪ್ರತಿಭೆ, ‘ಗಿಲ್ಲಿ’ ಖ್ಯಾತಿಯ ನಟರಾಜ್ (Gilli Nataraj)ಅವರು ಈ ಬಾರಿಯ ಬಿಗ್ ಬಾಸ್ ಕಿರೀಟ ಮುಡಿಗೇರಿಸಿಕೊಳ್ಳಲಿ ಎಂದು ಹಾರೈಸಿ, ಅವರ ಅಭಿಮಾನಿಗಳು ಕೊಪ್ಪಳದ ಹುಲಿಗೆಮ್ಮ ದೇವಸ್ಥಾನದಲ್ಲಿ ವಿಶೇಷ ಹರಕೆ ಹೊತ್ತಿದ್ದಾರೆ.
ಇದನ್ನೂ ಓದಿ:
ವೈರಲ್ ಆಯ್ತು ಶಿವಣ್ಣನ ಸೂರ್ಯ ನಮಸ್ಕಾರದ ವಿಡಿಯೋ! 550ಕ್ಕೂ ಹೆಚ್ಚು ಬಾರಿ ತೆರೆಕಂಡ ಓಂ ಸಿನಿಮಾ ರೀ-ರಿಲೀಸ್
ಗಿಲ್ಲಿ ನಟರಾಜ್ ಅಭಿಮಾನಿಗಳ ಬಳಗದ ವತಿಯಿಂದ ಹುಲಿಗೆಮ್ಮ ದೇವಿಗೆ ಭಕ್ತಿಯಿಂದ ಪಂಚಾಮೃತ ಅಭಿಷೇಕ ಮಾಡಿಸಿ, ದೇವಿಯ ಆಶೀರ್ವಾದ ಕೋರಲಾಯಿತು.
ಬಡವರ ಮಕ್ಕಳು ಬೆಳೆಯಬೇಕು, ಭಗವಂತ ಯಾವಾಗಲೂ ಕಷ್ಟದಲ್ಲಿರುವವರ ಪರವಾಗಿರಬೇಕು ಎಂಬ ಉದ್ದೇಶದೊಂದಿಗೆ ಅಭಿಮಾನಿಗಳು ಈ ಪೂಜೆ ಸಲ್ಲಿಸಿದ್ದಾರೆ. ನಟರಾಜ್ ಅವರ ಸಹಜ ವ್ಯಕ್ತಿತ್ವಕ್ಕೆ ಮನಸೋತಿರುವ ಅಭಿಮಾನಿಗಳು ಅವರು ವಿಜೇತರಾಗಲಿ ಎಂದು ಪ್ರಾರ್ಥಿಸಿದ್ದಾರೆ.
ಕೊಪ್ಪಳ ಸೇರಿದಂತೆ ಉತ್ತರ ಕರ್ನಾಟಕ ಭಾಗದಲ್ಲಿ ಗಿಲ್ಲಿ ನಟರಾಜ್ ಅವರಿಗೆ ದೊಡ್ಡ ಅಭಿಮಾನಿ ಬಳಗವಿದ್ದು, ಬಿಗ್ ಬಾಸ್ ಫಿನಾಲೆ ಹತ್ತಿರವಾಗುತ್ತಿರುವ ಬೆನ್ನಲ್ಲೇ ಈ ರೀತಿಯ ಹರಕೆಗಳು ಹೆಚ್ಚುತ್ತಿವೆ.
