ಹಿಮಾಚಲ ಪ್ರದೇಶ: ಸಿರ್ಮೌರ್ ಜಿಲ್ಲೆಯ ಸುನೀತಾ ಚೌಹಾಣ್, ‘ಜೋಡಿದಾರ್’ ಪದ್ಧತಿಯಂತೆ ಇಬ್ಬರು ಸಹೋದರರನ್ನು ವಿವಾಹವಾಗಿದ್ದರು. ಇದೀಗ ಅವರು ಮಗುವಿಗೆ ಜನ್ಮ ನೀಡಿದ್ದು, ಮಗುವಿಗೆ ಇಬ್ಬರೂ ಅಪ್ಪಂದಿರಾಗಿದ್ದಾರೆ ಎನ್ನುವ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಹಿಮಾಚಲ ಪ್ರದೇಶದ ಕೆಲವು ಸಮುದಾಯದಲ್ಲಿ ಇರುವ ಜೋಡಿದಾರ್ ಪದ್ಧತಿ ಅನ್ವಯ ಈ ಮದುವೆ ನಡೆದಿತ್ತು. ಸಿರ್ಮೌರ್ ಜಿಲ್ಲೆಯ ಕುಟುಂಬಸ್ಥರು ಅಲ್ಲಿಯ ಸಂಪ್ರದಾಯದಂತೆ ಸಹೋದರರನ್ನು ಒಬ್ಬಳಿಗೇ ಮದುವೆ ಮಾಡಿಸಿದ್ದರು. “ಜೋಡಿದಾರ್” ಅಥವಾ ಬಹುಪತ್ನಿತ್ವ ಸಂಪ್ರದಾಯವು ಒಂದೇ ಕುಟುಂಬದ ಇಬ್ಬರು ಅಥವಾ ಹೆಚ್ಚಿನ ಸಹೋದರರು ಒಬ್ಬ ಮಹಿಳೆಯನ್ನು ಮದುವೆಯಾಗಲು ಅನುವು ಮಾಡಿಕೊಡುತ್ತದೆ.
ಮಗು ಹುಟ್ಟಿದ್ದರೂ ಅದರ ರಿಯಲ್ ಅಪ್ಪ ಯಾರು ಎಂದು ಡಿಎನ್ಎ ಪರೀಕ್ಷೆ ಮಾಡುವ ಸಂಪ್ರದಾಯ ಅಲ್ಲಿಲ್ಲ. ಆದ್ದರಿಂದ ತಲೆತಲಾಂತರಗಳಿಂದ ನಡೆದುಕೊಂಡು ಬಂದಿರುವ ಪದ್ಧತಿಯಂತೆ ಈ ಮಗುವಿಗೆ ಈಗ ಇಬ್ಬರು ಅಪ್ಪಂದಿರು, ಒಬ್ಬನ ಹೆಸರು ಪ್ರದೀಪ್ ನೇಗಿ ಮತ್ತು ಇನ್ನೊಬ್ಬನ ಹೆಸರು ಕಪಿಲ್ ನೇಗಿ. ಅಷ್ಟಕ್ಕೂ ಹೀಗೆ ಸಹೋದರರನ್ನು ಮದುವೆಯಾಗಿರುವವಳು ಇವಳೊಬ್ಬಳೇ ಏನಲ್ಲ.
ಒಬ್ಬ ತಂದೆ ಮನೆಯಲ್ಲಿಯೇ ಇದ್ದು, ಇನ್ನೊಬ್ಬ ವಿದೇಶದಲ್ಲಿ ಕೆಲಸ ಮಾಡುತ್ತಿದ್ದಾನೆ. ಅಲ್ಲಿಂದಲೇ ಸೋಷಿಯಲ್ ಮೀಡಿಯಾದಲ್ಲಿ ಆತ ಶುಭ ಕೋರಿದ್ದಾನೆ.