ಸಾಲು ಸಾಲು ಹಬ್ಬಗಳ ಹಿನ್ನೆಲೆಯಲ್ಲಿ ಭಾರತದ ಪ್ರಮುಖ ಅಗರಬತ್ತಿ ಬ್ರ್ಯಾಂಡ್‌ಗಳಲ್ಲಿ ಒಂದಾದ ಐಟಿಸಿ ಮಂಗಳದೀಪ್ (ITC Mangaldeep), ಮಾರುಕಟ್ಟೆಗೆ ಎರಡು ಹೊಸ ಪ್ರೀಮಿಯಂ ಹಾಗೂ ಸಂಪೂರ್ಣ ಇದ್ದಿಲು ಮುಕ್ತ (Charcoal-free) ಅಗರಬತ್ತಿಗಳನ್ನು ಪರಿಚಯಿಸಿದೆ. ‘ಮಂಗಳದೀಪ್ ಟೆಂಪಲ್ ಸ್ಯಾಂಡಲ್ ಗೋಲ್ಡ್’ ಮತ್ತು ‘ಮಂಗಳದೀಪ್ ಸೆಂಟ್ ಕೂಲ್ ಸ್ಪ್ಲ್ಯಾಶ್’ ಹೆಸರಿನಲ್ಲಿ ಬಿಡುಗಡೆಯಾಗಿರುವ ಈ ಉತ್ಪನ್ನಗಳು ಗ್ರಾಹಕರ ಸಾಂಪ್ರದಾಯಿಕ ಪೂಜಾ ವಿಧಿವಿಧಾನಗಳು ಹಾಗೂ ಆಧುನಿಕ ಜೀವನಶೈಲಿ ಎರಡಕ್ಕೂ ಹೊಂದುವಂತೆ ವಿಭಿನ್ನ ಸುಗಂಧಗಳೊಂದಿಗೆ ಸಿದ್ಧಗೊಂಡಿವೆ.
ಹೊಸ ಅಗರಬತ್ತಿಗಳ ವಿಶೇಷತೆಗಳು:
- ಟೆಂಪಲ್ ಸ್ಯಾಂಡಲ್ ಗೋಲ್ಡ್: ನೈಸರ್ಗಿಕ ಶ್ರೀಗಂಧದ ಪುಡಿ ಹಾಗೂ ಜವಾದು ಸುಗಂಧದ ಸಮ್ಮಿಶ್ರಣದಿಂದ ಇದನ್ನು ತಯಾರಿಸಲಾಗಿದೆ. ಸಾಂಪ್ರದಾಯಿಕ ದೇವಸ್ಥಾನಗಳಲ್ಲಿ ಕಂಡುಬರುವ ಶುದ್ಧ ಶ್ರೀಗಂಧದ ಪರಿಮಳವನ್ನು ಪಸರಿಸುವ ಮೂಲಕ ದೇವರ ಪೂಜೆಯ ಸಮಯದಲ್ಲಿ ಪ್ರಶಾಂತ ವಾತಾವರಣವನ್ನು ನಿರ್ಮಿಸಲು ಇದು ಸೂಕ್ತವಾಗಿದೆ.
- ಸೆಂಟ್ ಕೂಲ್ ಸ್ಪ್ಲ್ಯಾಶ್: ಮಂಗಳದೀಪ್ ಸೆಂಟ್ ಶ್ರೇಣಿಗೆ ಸೇರ್ಪಡೆಯಾಗಿರುವ ಇದು ಆಧುನಿಕ ಮತ್ತು ತಾಜಾ ಸುಗಂಧವನ್ನು ಹೊಂದಿದೆ. ಪೂಜೆಯ ಸಮಯ ಮಾತ್ರವಲ್ಲದೆ ದೈನಂದಿನ ಕ್ಷಣಗಳಲ್ಲಿಯೂ ಮನೆಯ ವಾತಾವರಣವನ್ನು ಸದಾ ಉಲ್ಲಾಸಭರಿತವಾಗಿರಿಸಲು ಸಹಾಯ ಮಾಡುತ್ತದೆ.
ಇಂದಿನ ಗ್ರಾಹಕರು ಕೇವಲ ಒಳ್ಳೆಯ ಪರಿಮಳವನ್ನು ಮಾತ್ರವಲ್ಲ, ಆ ಪರಿಮಳದಿಂದ ತಮಗೆ ಸಿಗುವ ಅನುಭವವನ್ನು ಕೂಡ ನಿರೀಕ್ಷಿಸುತ್ತಾರೆ ಎಂದು ಐಟಿಸಿ ಲಿಮಿಟೆಡ್‌ನ ಬೆಂಕಿಪೊಟ್ಟಣ ಮತ್ತು ಅಗರಬತ್ತಿ ವಿಭಾಗದ ಮುಖ್ಯ ಕಾರ್ಯನಿರ್ವಾಹಕ ರೋಹಿತ್ ಡೋಗ್ರಾ ತಿಳಿಸಿದ್ದಾರೆ. ಈ ಹೊಸ ಉತ್ಪನ್ನಗಳು ದೇಶಾದ್ಯಂತ ಎಲ್ಲಾ ಪ್ರಮುಖ ರಿಟೇಲ್ ಮಳಿಗೆಗಳಲ್ಲಿ ಲಭ್ಯವಿದ್ದು, 40 ಕಡ್ಡಿಗಳಿರುವ ಪ್ರತಿಯೊಂದು ಪ್ಯಾಕ್‌ನ ಬೆಲೆಯನ್ನು 150 ರೂಪಾಯಿಗಳಿಗೆ ನಿಗದಿಪಡಿಸಲಾಗಿದೆ.