ಮುಂಬೈ: ಮೈದಾನದಲ್ಲಿ ಎಂ.ಎಸ್. ಧೋನಿ ಅವರ ಸಿಕ್ಸರ್-ಬೌಂಡರಿಗಳ ಆರ್ಭಟ ಎಷ್ಟು ಸುದ್ದಿಯಾಗುತ್ತದೋ, ಗ್ಯಾಲರಿಯಲ್ಲಿ ಕುಳಿತು ಪಂದ್ಯ ವೀಕ್ಷಿಸುವ ಅವರ ಪತ್ನಿ ಸಾಕ್ಷಿ ಧೋನಿ ಅವರ ಸ್ಟೈಲ್ ಕೂಡ ಅಷ್ಟೇ ಸದ್ದು ಮಾಡುತ್ತದೆ. ಇತ್ತೀಚೆಗೆ ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸಾಕ್ಷಿ ಧೋನಿ ಧರಿಸಿದ್ದ ಕೈಗಡಿಯಾರ ಈಗ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ.
ಏಪ್ರಿಲ್ 23 ರಂದು (ಗುರುವಾರ) ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾದವು. ಸಿಎಸ್ಕೆ ಸ್ಟಾರ್ ಆಟಗಾರ ಎಂಎಸ್ ಧೋನಿ ಅವರ ಪತ್ನಿ ಸಾಕ್ಷಿ ಸಿಂಗ್ ಈ ಪಂದ್ಯದಲ್ಲಿ ಹಾಜರಿದ್ದರು. ಅವರು ವರ್ಣರಂಜಿತ ಹೂವಿನ ಮುದ್ರಣಗಳನ್ನು ಹೊಂದಿರುವ ಕ್ರೀಮ್ ಬಣ್ಣದ ಸೂಟ್ ಧರಿಸಿದ್ದರು. , ಅನೇಕರ ಗಮನ ಅವಳು ತನ್ನ ಎಡಗೈಯಲ್ಲಿ ಧರಿಸಿದ್ದ ಗಡಿಯಾರದ ಮೇಲೆ ಬಿದ್ದಿತು. ನೋಡಲು ತುಂಬಾ ಸರಳವಾಗಿದ್ದರೂ, ಅದು ಸಾಮಾನ್ಯ ಗಡಿಯಾರವಾಗಿರಲಿಲ್ಲ.
ಸಾಕ್ಷಿ ಧೋನಿ ಧರಿಸಿದ್ದ ಈ ಗ್ರೀನ್ ಕಲರ್ ವಾಚ್ನ ಬೆಲೆ ಬರೋಬ್ಬರಿ 3.14 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ರಿಚರ್ಡ್ ಮಿಲೆ ಕಂಪನಿಯ ಈ ವಿಶೇಷ ವಾಚ್ ತನ್ನ ಅತ್ಯಾಧುನಿಕ ವಿನ್ಯಾಸ ಮತ್ತು ಹಗುರವಾದ ತೂಕಕ್ಕೆ ಹೆಸರಾಗಿದೆ. ಈ ಮೊತ್ತದಲ್ಲಿ ನಗರ ಪ್ರದೇಶಗಳಲ್ಲಿ ಐಷಾರಾಮಿ ಫ್ಲ್ಯಾಟ್ ಅಥವಾ ದುಬಾರಿ ಕಾರ್ ಖರೀದಿಸಬಹುದು ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.
ಇದು ಅಥ್ಲೆಟ್ಗಳಿಗಾಗಿ ತಯಾರಿಸಿದ ಅತ್ಯಂತ ಹಗುರವಾದ ವಾಚ್ ಆಗಿದೆ. ದಕ್ಷಿಣ ಆಫ್ರಿಕಾದ ಓಟಗಾರ ವೇಡ್ ವ್ಯಾನ್ ನಿಕರ್ಕ್ ಅವರಿಂದ ಪ್ರೇರಿತವಾಗಿ ಈ ಗ್ರೀನ್ ಕಲರ್ ವಾಚ್ ವಿನ್ಯಾಸಗೊಳಿಸಲಾಗಿದೆ. ವಿಶ್ವದ ಅತ್ಯಂತ ಐಷಾರಾಮಿ ವಾಚ್ ಬ್ರ್ಯಾಂಡ್ ರಿಚರ್ಡ್ ಮಿಲೆ (Richard Mille) ನ ‘RM 67-02’ ಎಡಿಷನ್. ಈ ವಾಚ್ನ ಅಂದಾಜು ಬೆಲೆ 3.14 ಕೋಟಿ ರೂಪಾಯಿ.
ಅತ್ಯಂತ ಸರಳವಾದ ಉಡುಪು ಧರಿಸಿದ್ದರೂ, ಅವರ ಕೈಯಲ್ಲಿದ್ದ ಈ ದುಬಾರಿ ವಾಚ್ ಮಾತ್ರ ನೆಟ್ಟಿಗರ ಗಮನ ಸೆಳೆದಿದೆ.